TOPONIMIA EN LA VAL (II)


AÑETERA, barranco de l' .-

Como los ansotanos lo clamarían barranco de "A Ñetera", muitos chesos prexinan que ha que clamarse de "La Ñetera". La mía opinión ye que lo suyo nombre ye "Añetera", y vos diré lo porqué.

Seguntes lo Cartulario de San Pedro de Ciresa (p.17 de Ed.Ubieto), Lo Conde Galindo Aznárez I dota en l'añada 867 a San Pedro de Siresa:

"Dono et concedo Deo et beato Petro principi apostolorum et ecclesie Cirasiensi totum quod habeo de Isxaverregayo usque ad locum qui dicitur Acquatorta" (concede todo lo que bi-há dende Xavierregay enta Aguastuertas). Y sigue asinas: "Et boves cum tota mea laborancia, vineas, terras cultas et incultas, villas quoque qui sunt de loco qui dicitur Oledola usque ad ipsum monasterium cum terminis earum".

Charra de la villa de Oledola, de los terminos de Gordito y Orsa, de villas como Grossin, Orsam, Embun, Castel Saver, Grossa, Sarnes, Artesa, Ardenes, Borbos, Eito, Iskavelli, Villa Nova, Loreysa, Orduesi, Katareita y Monasteriolo con lo suyo mon Ostes . "statuo quoque terminos de valle de Exo", de la sierra de Araues (Aragüés?)hasta la sierra de Aratodeia (Aratorés?), y de la villa de Borbos hasta "intrada de Aquatorta". Charra de lo monasterio vallem Assun, de Ornat, de Albarat et de Vespen. Diz querer que los pobladors d'Echo laboren en las tierrras de Asún "excepto quod non intrent in campos cognitos de Ciresia...." dona tamién estivam (pastos de verano) como "Allarat" en la Val d'Asún, dona todos los mons y campos de la val, "Subasch cum suos campis, Oça similiter cum suis campis et estivam que vocatur AGNEDERA ET SUOS AGORRALS, et estivam que dicitur Aguar et unum cubilare in Aquatorta et aliud in Garinça".

"Agnedera y los suyos agorrals" no poden estar otra cosa que los aborrals (puertos) que i-son dencima de lo barranco de l'Añetera, u siga, los actuals Acher, Campanil, Colladetas...

Agnedera solo pode venir de AGNES, cordero. Aborral ye un puerto de verano enta do se levan los corders. Y ye agún mas claro que Agnedera se'n torne ta "Añetera".

ARTICALLENA: ARTICA+LIENA.- En do Artica ye una zona plena de artos y Liena ye una losa de terreno, y que se repite en toponimos como la liena de Santana, la liena de la pardina u Lenito (lugar de lienas).

U siga, no se pode trasladar Articallena ta Articaplena. Si un caso, ta lo suyo orixen: Articaliena

CERQUITO: quercus (carrasca, roble) + ito (abundancia de).-
Bi-ha en la Val un cacho de mon clamau asinas. Agún no se en do ib'ye, ya lo me contaretz, pero he que sospeitar que bi-habrá abundancia de carrascas (u bi-n'habié en otros tiempos). No pue'star d'otra manera, dimpués de viyer que si achuntamos QUERCUS + ITO (sinnificando lo sufixo ito "abundancia de", que se repite en otros toponimos como Gabardito, Lenito, etc.), ha que sumar la parola CERQUITO.
D'orixen de la Ilesia:

SOLALTAR: so l'Altar (debaxo de l'altar).- Partida de campos debaxo de lo Monasterio de San Pedro de Ciresa.

SOLACRUZ: so la Cruz (debaxo de la cruz).- Partida más enta'l norte que la anterior de Solaltar, debaxo de la "vuelta de Santa Lucía"


1 comentario:

felquera dijo...

Te vas a fer experto toponimista. Muto bien las explicacions etimolochicas. Habrás a mirar es restos d'ixa toponimia medieval en l'actual. Salut.