La Subordania. Epopeya chesa sin d’acabanza


"Rolde de Estudios Aragoneses presenté lo libro La Subordania. Epopeya chesa sin d’acabanza, de Emilio Gastón, ilustráu por Ernesto Sarasa. Se facié en Zaragoza, en lo Centro Cultural CAI (Paseo de Las Damas, 11. Zaragoza), lo miercoles 19 de diciembre, a las 19 horas, con la autuación de Monte Solo."

Asinas parez que ha qu'estar. Que la chen de casa (los chesos de la Val) nos enteremos un mes más tardi d'un evento d'esta guisa, no diz muito en favor de lo REA, ni de l'autor. Uno se sinte espropiáu cuando i-veye que la cultura patrimonial s'en ve ta Zaragoza (como las truitas, usóns, revichuelos...). Parez que solo siga preciso dixarse vier en los "medios" urbanos. Como los depositarios son meyo legos... pa qué lis ves a dicir branca, ya s'enterarán.
Ya perdonarez l'agriedá de lo comentario, pero m'he sintíu una miqueta estafáu. Ye como si la expozaragoza 2008 se celebrase en Barcelona... u las fiestas de lo Pilar se fesen en Cuenca. En fin, tamién puede estar que lo despistáu sigo yo.
Precuraremos lier y disfrutar lo triballo de Emilio Gastón que, por otri costáu, parez que ha güena pinta.
He trováu una historia completa de la presentación. Astí podez vierla: