REGASTAR

REGASTAR.- Escuitau este hibierno en boca d'una chesa, con la sinnificación literal de: "itar en cara", u la de "pasar por los morros". Contrastau con mas chen de la suya familia, se confirma lo verbo regastar con ixe carauter. Agradecería que, si bi-ha bel que l'haiga sentíu emplegar a mas chent, lo me dicise en comentarios.

REGULLONS NE BI-HA


REGULLÓN.- Replegau por JJ Saroïhandy, filologo francés que campé por las tierras pirinencas a finals de lo XIX y empecipie de lo sieglo XX, en una expresión que diz: "regullons bi-n'ha".

Crosidau con una chesa de 84 añadas, la suya contestación estié: "qué ve'star, revichuelos". Ye dicir que, fa un ciento d'añadas, los revichuelos (lactarius deliciosus, foto de debaixo) se clamaban regullons, lo que fa remerar los
revollons y rovellons que se claman por otras vals. A la vez me fa prexinar si no se habrá mezclau lo nombre con lo de rebozuelo, que se i-clama popularment a lo cantarellus cibarius (foto de dencima).



REPLEGA DE VOCABLES

Con esta etiqueta m'aganaría ir colgando vocables/parolas que me vo trobando, con la intinción de que, qui las conozca, meta los comentarios que li cuaquen.

Igual ne meteré replegadas de boca, como replegadas de bel triballo lingüistico, por eixemplo de lo manullo replegau por JJ Saroïandy fa un sieglo.

FUMATA BLANCA EN LO C S L A


Ya ye constituíu lo Consello. José Bada será lo primer president, por estar lo mas viello. En la foto se i-veyen, de zurda ta dreita, lo viceconsellero de cultura Juan José Vazquez, lo doctor en teolochía José Bada, la siñora Broto, consellera de cultura, y la directora de Bisas de lo Subordán, Marta Marín, que representará l'aragonés cheso.
Abundan las notas de prensa, como esta de lo ABC: http://www.abc.es/agencias/noticia.asp?noticia=620403



Las funcions que habrá a desembolicar lo Consello Superior de las Lenguas d'Aragón las podetz viyer en esta web: http://www.lexureditorial.com/boe/1002/01711-3.htm

C S L A

PRIMERA REUNION.-Lo Consello superior de las Lenguas d'Aragón, convocau por lo Gubierno d'Aragón, se reune hoy, 10 de diciembre, a las 11 de lo maitin, en la siede de Pignatelli.

Ye previsible que se meta a funcionar lo nuevo organismo. ¿Por do empecipiarán? Habrán a nombrar chunta de gubierno, u a lo menos primer president...

Vos remeramos la composición d'ixe organismo:

L’articlo 13 d’a Ley 10/2009, de 22 d’agüerro, d’emplego, protección y promoción d’as luengas propias d’Aragón, estableixe que lo “Consejo Superior de las Lenguas de Aragón” bi’stará formau per 15 miembros, que habrán a estar triaus entre filologos, churistas, sociologos, personaches destacaus de las letras, la amostranza o la investigación lingüistica u de las redoladas social u cultural de la Comunidat Aragonesa.
Ditos miembros los nombrará lo President d’Aragón, a propuesta de las Cortes d’Aragón, lo Gubierno d’Aragón y la Universidat de Zaragoza. Cada una d’estas institucións propondrá a cinco miembros.
Las Cortes de Aragón, el Gobierno de Aragón y la Universidad de Zaragoza han efectuado sus respectivas propuestas para el nombramiento como miembros del Consejo Superior de las Lenguas de Aragón.

D’esta guisa los miembros eslixius por las institucions mentadas, estieron los que se sigue:

Por Las Cortes d’Aragón:

- Don Enrique Badía Gracia.
- Don José Ignacio López Susín.
- Doña Marta Marín Bráviz.
- Don Alberto Moragrega Julián.
- Don Chusé Raúl Usón Serrano.

Por lo Gubierno d’Aragón:

- Don Manuel Castán Espot.
- Don José Bada Panillo.
- Doña María del Carmen Alcover Pinós.
- Don Fernando Sánchez Pitarch.
- Don José Ignacio Micolau Adell.

Por la Universidat de Zaragoza:

- Don Javier Giralt Latorre.
- Don Francisco Nagore Lain.
- Doña María Antonia Martín Zorraquino.
- Doña Luisa María Frutos Mejías.
- Don Francisco Beltrán Lloris.