A la chita callando, mientras en lo panorama nacional se charraba de leys como la de l'alborto u la constitucionalidat de lo estatuto catalán, u de lo retorno enta El Aaiún de l'activista saharawí, en las Cortes d'Aragón s'ha aprebau una Ley de Lenguas (Ley de Uso, Protección y Promoción de las Lenguas Propias de Aragón).
Presentada como proposición de ley por lo grupo socialista, lo proyeuto ha saliu enta deván con l'aduya de los cuatro votos de la CHA (Chunta Aragonesista), y con lo rechazo total de IU (por considerarla insuficient), PP (porque sí, porque bi-há que levar la contra, y punto, a la vez que orquestaba una campaña en la carrera, con lo eufemismo de "No a la imposición del catalán") y PAR (socio de gubierno, pero que no quiere sintir ni de luen que se clame catalán a... bueno, a lo catalán).
Lo apoyo de la CHA, a lo partido socialista, l'ha costáu almitir un güen amiro de enmiendas, como la de creyar una academia pa cada una de las lenguas. Me crosido qué pasará agora con lo "mundo de l'Aragonés", que en lo II Congreso (año 2006) promovié la creyación d'una Academia como iniciativa ciudadana, con lo apoyo de más de lo 80% de los participes d'ixe congreso. Qué casualidat, que entre los que se quederon marguinaus, ibi yeran los que ayer feban de claque de Chesús Bernal en Las Cortes.
Los charradors de catalán poden estar bien contentos. A lo menos se fa oficial lo que se yera fendo a escondidas las zagueras 25 añadas.
Los charradors d'aragonés no nos hemos quedau tan satisfeitos. Ya veremos si no nos toca empecipiar, otra vagada, dende cero. Y no nos quedan muitas rasmias.
Por agora, la ley mete en manos de lo "Consejo superior de las lenguas de Aragón" (que lo formarán 5 miembros nombráus por lo Gubierno, cinco por Las Cortes y cinco por la Universidat), la creyación de las dos Academias.
Aguardemos que'n ixe Consello s'alcancen posicións integradoras y que se pueda tirar enta deván sin masiaus cadavers (figuraus) por lo camino, que bi n'habrá... Dende lugo, si bi-há que recular, bi n'habrá...
1 comentario:
Introducir el multilingüismo literario simultáneo a nivel escolar es un objetivo noble y valioso. Dar los niños un comienzo temprano en leer y escribir en tres idiomas desde las primeras etapas de su escolarización es mucho más eficaz y productivo, aunque la manera de hacerlo no sea evidente y es polémica.
Early Bird Books quiere ayudar a los gobiernos interesados en desarrollar el plurilingüismo, promover el aprendizaje de las lenguas minoritarias y, por lo tanto, reducir su riesgo de caer en desuso, una politica que debe ir en paralel con el objetivo de abrir esas zonas al mundo.
Nos gustaría hacer unos ediciones en aragonés... si alguien se anima, escríbanos. www.earlyBirdBooks.es
Publicar un comentario